Diasabra anochi durante patruya un oficial di e unidad K9 di polis a nota un persona actuando poco sospechoso y cu probablemente lo ta trata di un persona peligroso y cu lo por ta arma y a bay purba par’e pero ela core baha for di e auto y a baha drenta un compleho di apartamento na Bushistraat y aparentemente cu algo parecido na un arma di candela den su mannan. Mesora a pidi pa refuerzo di mas patruya, mesora refuerzonan a yega y hasta e unidad R.R.T. di polis cual ta e team special di Rapid Response Team cual ta e polisnan cu mas tactica ora di entradanan judicial y detencion di sospechosonan cu arma di candela. Despues di un rato di nan yegada nan a drenta y a logra detene e sospechoso pero despues di a listra e compleho di apartamento no a logra haya ningun arma.
