Polis cu control general riba trafico na diferente punto hunto cu mas instancia gubernamental

Encabesa pa Comisario Trudy Hassel polisnan di Straatdienst, Bario Regiseur, K9, Motorbrigade asisti tambe pa otro instancianan e.o. D.T.P., D.T.I., y Guarda Nos Costa

Manera keto bay nos ta informando cu e controlnan den trafico ta sigui aumenta cu mas y mas instancianan den ramo hudicial, diaranzon mainta atrobe a tene controlnan general den trafico. E mainta aki encabesa pa Comisario Trudy Hassel polisnan di Straatdienst, Bario Regiseur, K9, Motorbrigade asisti tambe pa otro instancianan e.o. D.T.P., D.T.I., y Guarda Nos Costa. Polisnan a haci nan trabao di controla e vehiculonan en general, D.T.P tabata controla e Busnan, Taxinan autonan di transporte di hende hunto cu autonan di huur pa controla nan vergunning si tur cos ta na ordo mientras D.T.I. tabata controla e estado y condicion di e vehiculo como tambe tur e autonan coriendo cu tint tabata ser controla e grado di e tint. Por ultimo esun cu mas a score tabata Guarda Nos Costa cu a captura y detene personanan illegal of cu no por a mustra cu nan tin permiso sea di trabao of permanencia na Aruba. Ta varios persona indocumenta a ser deteni, ademas tabata tin personanan cu droga den auto y hasta chauffeurnan coriendo cu auto sin rijbewijs. Varios vehiculo a ser confisca y a takelnan pa warda di polis mientras otronan mester a laga nan auto pa despues un otro persona cu rijbewijs valido presenta pa busca e auto. E controla aki a ser haci for oranan tempran di mainta te cu merdia hasta den e solo cayente di merdia. Cantidad di boet a ser reparti e mainta pa merdia aki. E parti mas interesante aki ta cu e comisario Trudy Hassel mes tabata tey na tur e sitionan aki dunando sosten y apoyando e agentenan y otro personalnan di e otro dienstnan.

Share:

Leave a Reply

Your email address will not be published.