Chauffeur ta malcalcula velocidad cu distancia y a causa un accidente frontal na Tanki Leendert

Dialuna mainta a drenta informe di un accidente frontal basta pisa, mesora a dirigi tanto polis como ambulans na e sitio. Un ambulans cu tabata hibando e dama herida na e accidente mas tempran a para pa duna prome auxilio y pa wak e situacion pa manda otro ambulans pero ningun di e 2 chauffeurnan tabata desea atencion di ambulans y e ambulans ey a sigui su caminda ya cu e tabata tin un ptro paciente abordo. Un rato despues un otro ambulans a yega pero aki tampoco ningun di 2 tabata mester di ambulans. Na yegada di e patruya a bin compronde cu aki ta trata di un accidente unda cube Chevrolet Aveo biniendo for di pabao a malcalcula e velocidad y distancia di e Hyundai Santa Fe di direccion contrario y a bira na man robez dilanti e Santa Fe y nan a dal basta duro den otro y ambos vehiculo a ricibi hopi daño. Na dado momento e chauffeur di e Aveo a cuminza keha di dolor y e ora ey a yama ambulans p’e.

Share:

Leave a Reply

Your email address will not be published.