Project Team Drugspanden cu entrada hudicial na Saliña Cerca

Project Team Drugspanden ta un team cu a wordo lanta pa entre otro investiga bendemento di droga for di un percela y riba caya.
En conexion cu un investigacion andando Project Team Drugspanden a haci un entrada hudicial den un cas na Saliña Cerca y a detene 2 hoben pa cultivo y bendemento di droga.

Durante razzia a confisca un cantidad di droga y tambe matanan di marihuana tur esakinan a ser confisca como tambe un brommer.
Ainda ta bezig ta buscando.
A haci uso tambe di diferente departamentonan di Cuerpo Policial entre otro recherche polisnan di districto 2 y tambe strand politie.
Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey Cuerpo Policial ta pidi si bo tin cualkier informacion yama nos tiplijn di Polis cu ta: 11141. Nos ta garantisa cu bo ta keda anonimo.

Share:

Leave a Reply

Your email address will not be published.