Homber haya sin bida banda di su auto dilanti su cas na Hooiberg

Diamars madruga pa mas o menos 1:40 central di polis ta wordo notifica cu na un cas na Hooiberg un persona masculino no ta duna señal di bida.

Na yegada di patruya ta bin encontra un hende homber benta abao banda di su auto. Personal di ambulance a yega na e sitio di e sucedido pero no por a haci nada mas.

Pa 2:30am Dr.Texier ta constata morto di John Robert Croes di 57 aña.

Polis technico, departamento di recherche y slachtofferhulp a yega na e sitio di e sucedido.

Di parti di Cuerpo Policial y tambe di awe24.com nos ta extende palabra di condolencia na e famia di e fayecido.

Share:

Leave a Reply

Your email address will not be published. Required fields are marked *