Diamars merdia a drenta informe di un caso di un incidente cu lo a tuma lugar dilanti Italia Pizza na Ponton, mesora a dirigi un patruya na e sitio. Na yegada di e patruya a bin compronde cu aki ta trata di un incidente cu lo a inicia banda di De Shakel na Boegoeroei. Aki lo tabata tin auto ta take-off dilanti otro esaki a bay asina leu cu un pickup a sigui un auto. Dado momento para den fila na Ponton e chauffeur di e pickup a baha for di su vehiculo pa bay reclama e dama den e auto. Den e momento ey e pickup lo no a wordo poni den park tambe sin handrem y esaki a causa cu e pickup a bay dal den e auto y laga e dama herida. Polis di trafico y ambulans keda pidi na e sitio pa atende cu e incidente aki. Ambulans a presenta na e sitio y a atende cu e dama 3 luna na estado na e sitio mes pa cu su heridanan leve.
