Diabierna atardi a drenta informe di un accidente cu hende herida dilanti di Anytime Bar Restuarant na Paradera, mesora a dirigi tanto polis como ambulans na e sitio. Na yegada di e patruya a bin compronde cu un auto bayendo nort a bira na man robez pa bay na e bar restaurant pero no a mira e scooter di direccion contrario y a dal esaki. E impacto tabata fuerte y e motociclista a bay cay algun meter mas leu y e scooter mes a plama for di otro. E motociclista a sinta keha di basta di dolor y a conta polis con e cosnan a sosode, na yegada di e ambulans nan a atende e victima y a transporte pa hospital.
