Diamars anochi a drenta informe di un accidente di cadena yegando e rotonde Pos Chikito bayendo direccion pariba, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente di cadena entre 3 auto pero ambulans a pasa controla y ningun hende a resulta herida. Polis a atende e accidente unda cu un chauffeur no a regula su velocidad ni a mantene distancia a bay dal tras si e auto su dilanti y consecutivamente e ultimo aki a bay dal tras di e otro auto su dilanti.
