Dialuna mainta tempran a habri cu un caso lamentable unda e DJ “EL NIÑO” tabata ser busca pa secuestro y menasa di su ex-pareha cual e tin yiu cun’e. Ta asina cu for di 6’or di mainta tin un caso andando di secuestro unda e sospechoso a bay cu su ex-pareha cual tabata kedando serca un amiga na Alto Vista y a bay cun’e contra su voluntad y a menase cu morto unda e lo a bisa cu awe e lo mat’e!. E sospechoso tabata coriendo den un Toyota Corolla blanco cual te e oranan ey ainda tabata desconosi. Polisnan a ser alerta pa tira bista mientras e patruyanan di Noord a posisiona nan mes strategicamente pa asina ora e yega eybanda nan detene. Asina tambe a sosode e dama rehen tambe tabata cun’e y a logra sali y a ser informa pa bay entrega keho na recherche, mientras na mes momento a detene e sospechoso y a pidi pa e vehiculo di transporte di detenido pa hibe na warda di polis na Shaba.
