ORANJESTAD; Diabierna ultimo Minister Endy Croes tabatin reunion director di Ibero American High School sr. Andy Centeno y sra.Ingrid Kuiperdal. Ibero American High School a cuminsa na Aruba na aña 2003 y ta conta cu alredeor di 300 alumno. E scol ta acredita,despues cu un studiante finalisa Ibero American High School e por continua su estudio na otro scol na Aruba manera entre otro; EPI.
Minister Endy Croes a agrega cu e tabata un reunion fructifero unda cu sr. Andy Centeno y sra. Ingrid Kuiperdal a presenta algun plan pa futuro di e scol. Nan ta desea di haya cooperacion di Gobierno di Aruba. Ibero American High School ta desea pa (1) haya un pida terno patras di e scol pa asina nan por amplia e scol y (2) A presenta un proyecto nobo di idioma pa cu e competencia multilingual pa introduccion di Papiamento banda di Ingles. Tambe nan a duna e Mandatario informacion y splicacion di un materia nobo cu e scol a iniciados aña pasa cu ta les di multimedia, unda cu nan ta siña e studiantenan con pa graba y edita video. E ta un proyecto unda Ibero American High School ta traha den conexion cu Hulanda pa e alumnonan por haci nan practica na un scol di multimedia na Hulanda.
E Mandatario su deseo y empeño ta pa soluciona problematicanan mas tanto posibel, crea espacio pa trankilidad, paz y mehoracion den e tereno di enseñansa.
Esaki mi ta haya straño. E scol ta Ibero American High School, un high scol ta mescos cu EPI. Dicon bo lo sigui un otro high scol e ora ei. Nan mester kita e parti di high school e ora si e no ta riba nivel.