Diasabra madruga durante patruya polisnan atento di distrito 2 (Noord) a nota un auto sospechoso para na e beach ora a bay acerca nan a nota cu 2 homber y un muher tabata teniendo relacion sexual den e vehiculo Kia Picanto. E trio aki a spanta masha hopi y a pura sali bay cu e auto como cu nan tabata sunu den e coremento aki nan a dal auto di polis y a purba core bay mientras nan tabata bistiendo nan pañanan. Una bes bisti na altura di Tres Trapi nan a para e auto. Polis a atende cu nan y a detene e chauffeur mientras a laga e otro 2nan yama familiar pa bin busca nan. Nan tur a haya un tremendo hala di orea pa locual cu nan a haci.
