Diahuebs madruga a drenta informe di cu un Honda Civic preto a pasa los tiro den Tarabana y Dakota, mesora a dirigi patruyanan na e sitio. Na yegada di e patruya a bin conpronde cu un Honda Civic preto a pasa los tiro di advertencia den Pindastraat. Patruyanan a bin haya sa cu e chauffeur ta coriendo rond en busca di 2 hoben cual e lo a menasa den oranan di atardi. Pa evita e drama aki polisnan a busca den e area y banda di Echotech na Sabana Blanco a logra para e auto aki y a detene e chauffeur pa menasa y sospechoso di lo a los tiro. Ademas polis a nota cu e sospechoso lo ta bao influencia di un of otro substancia. Polis a detene e sospechoso y a inica un buskeda pa e arma unda hasta a envolve e e equipo di K9 di polis.
