Atraco arma riba habitante di Flamingo Apartments

Dialuna madruga apenas algun minuut despues di mey anochi a drenta informe di un caso di atraco na Flamingo Apartments na Caya G. F. “Betico” Croes, mesora a dirigi un patruya na e sitio. Na yegada di e patruya a bin compronde cu aki ta trata di un atraco arma unda a pone un arma di candela na cabez di e habitante pa atrak’e. Ta trata aki di 3 hoben color cla cu flanelnan blanco, blauw y blauw cu preto cu a purba comete e fechoria aki. E sospechosonan aki a sali bay den un auto chikito color bruin y segun testigonan lo por ta trata aki di hobennan di Dakota. Polis a tuma tur dato y a sali den busca di e vehiculo aki den e area pero no a logra topa cun’e y a avisa atraco team cual a tuma e investigacion over.

Share:

Leave a Reply

Your email address will not be published. Required fields are marked *