Diabierna mainta a drenta informe di un caso di maltrato na Hooiberg Kavel, mesora a dirigi un patruya na e sitio. Na yegada di e patruya a bin compronde cu aki ta trata di un caso di maltrato unda e ex di e dama a presenta na e adres drenta e cas sin permiso di e dama, maltrat’e y ranca e cadena for di e nek di dama. Mirando cu e sospechoso ta traha na un lugar na Catiri polis a bay wak si ta topa cun’e.
