Despues di 7 luna sin wak su auto dama ta reconose e auto y a sigui su tras te na San Barbola unda polis a confisca esaki pa mas investigacion.

Dialuna atardi a drenta informe di un caso di persecucion unda e dama cu tin 7 luna sin wak su auto ta coriendo tras di esaki te ora nan a yega na San Barbola unda polis a presenta. E asunto ta asina cu e dama kende ta doño di e Nissan March a laga su ex-pareha cu e auto pero e ex-pareha lo a haci un deal pa cambia e March pa otro cos. E dama doño di e auto tabata desea su auto bek pero no tabata haya e auto. Despues di 7 luna e dama a reconose e auto y awor a hay’e a yama polis pa e haya su auto bek. Mientras esun cu tabata core cu e auto a haci un deal unda awor e auto ta di dje. Como cu e homber no tin nada riba papel di e deal y a haci gastonan pa drecha esaki awor a sali perjudica. Por poco polis a detene e homber cu tabata tin e auto e 7 lunanan pasa ya cu esey ta castigable. Takelwagen a presenta y a tow e auto bay warda di polis cun’e unda awor recherche ta sigui cu e caso. Polis a avisa ambos pa bay recherche pa reclama nan derechonan.

Share:

Leave a Reply

Your email address will not be published.