ORANJESTAD, Aruba –27 di December 2021: Casonan di Covid-19 ta subiendo drasticamente atrobe, di cual ultimo dianan e ta entre 100 cu 150 positief pa dia cu ta haci cu pa nos contact personanan positivo por tarda entre 1 pa 2 dia.
Pa cu esaki Directie Volksgezondheid ta recorda tur persona cu test positivo pa tene su mes na e siguiente reglanan :
· Isola bo mes, purba di no tin contacto cu ningun otro persona pa asina evita mas contagio,
· Keda pendiente di bo telefoon, DVG lo contact bo pa asina hasi un intake cu bo persona encuanto unda y cu ken bo tabata den contacto cune ultimo dianan,
· Prepara e informacionnan aki (lista di contacto) pa asina cu nos tuma contacto cubo bo por tin tur informacion na man mes ora,
· Si bo tabata den cercania di un persona sin tapaboca, menos di 1.5 meter y pa mas di 15 minuut por pone e persona aki riba bo lista di contacto.
Nos ta pidi encarecidamente pa pasenshi y cooperacion y pa tene bo mes na e reglanan aki.
Pa informacion, cita pa test y certificado di vacuna por yama numbernan 522-4200 / 280-0101 /
522-4211.
FIN
