Chauffeur a laga auto cu a daña memey caminda para pabao di rotonde Drive-Inn

Dialuna madruga a drenta informe di cu tin un auto cu lo a ser laga atras memey caminda pabao di e rotonde Drive-Inn, mesora a dirigi un patruya na e sitio. Na yegada di e patruya a bin encontra cu un Toyota Yaris para un tiki riba e acera pero gran parti riba caminda net na e salida di e rotonde. Polis a purba contacta e doño na e adres unda e ta biba pa check ta dikon ela laga e vehiculo asina malo riba e caminda. Ora e patruya a bay na e adres a bin compronde cu ora e doño a bay trabao esaki a daña eynan y no por a core mas y a lague eynan pa ora di caba di traha e bay atende. Polis a splica cu no mag laga auto para den caminda cu ta stroba ootro traficonan.

Share:

Leave a Reply

Your email address will not be published. Required fields are marked *