4 Persona herida den accidente na Santa Cruz, 3 a bay cu ambulans y 1 a bay cu auto particular, bomberonan mester a corta auto pa saca un victima

Diasabra atardi a drenta informe di un accidente cu hende herida pariba di Weng Kee na Piedra Plat, mesora a dirigi tanto polis como ambulans na e sitio. Na yegada di e patruya a bin constata cu e accidente a sosode poco mas pariba na e birada pa Santa Cruz, ademas polis a nota cu tin un victima pega den e auto y a solicita presencia di e equipo di rescate di bombero. E accidente ta entre un Mitsubishi Lancer y un Hyundai Tucson unda un chauffeur a pega soño tras di stuur bay otro banda y nan a dal den banda poniende Hyundai bay dal riba un palo di lus. Na yegada di e bombero nan mester a corta e Tucson pa asina logra saca e victima cu a keda pega. # Ambulans a presenta na e sitio y ademas un otro victima levemente herida a ser hiba cu auto particular. 

Share:

Leave a Reply

Your email address will not be published. Required fields are marked *