Dialuna atardi a drenta informe di un accidente unda cu un bus di Arubus a bay dal tras di un autobus na Savaneta, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu e chauffeur di e bus di Arubus no a regula su velocidad ni a mantene distancia a bay dal tras di un autobus. Afortunadamente ningun hende a resulta herida. Un rato despues pasaheronan a cuminza keha di dolor y susto unda mester a manda ambulans y tambe slachtofferhulp! Na yegada di e ambulans nan a atende e 2 victimanan y a transporta nan pa hospital.
