Reglamento di cuenta: Chauffeur a core tras di peaton y a dal e cu auto

Diadomingo anochi mientras cu polis tabata atendiendo e accidente na e rotonde Sasaki, testigonan a pasa bisa polis cu auto a dal un persona un poco mas pariba na e rotonde chikito banda di Citgo Sasaki, mesora e patruya a bay mira kiko a pasa. A bin resulta cu aki ta trata di un Nissan March cu lo a dal un peaton. Informacion cu nos a logra acumula na e sitio ta cu e peaton lo a bay na un cas den cercania y a pidi un persona cu tabata bezig den e auto y a pidi un lift pero e persona cu tabata den e auto a nenga. Insistentemente e peaton a exigi pero a keda nenga di dun’e un lift, di rabia e peaton a insulta, causa un destruccion y pasa man bay cu un pertenencia y aki a sali bay su tras y poco mas pazuid a dal e peaton. Na prome instante e peaton no kier a ricibi atencion medico pero despues si. E peaton a bisa cu e chauffeur di e auto a menas’e y a dal e cu auto, polis mesora a detene e chauffeur di e auto y a confisca e Nissan March. Despues ora polis a haya sa cu e peaton mes ta esun cu a inicia tur e cos e peaton tambe a ser deteni. Ambos a ser deteni y hiba warda di polis den autonan separa. Departamento technico y forensyco a bini na e sitio y a pasa e investigacion pa recherche.

Share:

1 thought on “Reglamento di cuenta: Chauffeur a core tras di peaton y a dal e cu auto

  1. Ya esay ta bai pasa mas ora cu no ta hasi nada cu e hende ambulante nan aki, ki dia ey mi mes kier apsa auro ariba “koki” di Piedra Plat, ta Dios mi ta corda.

Leave a Reply

Your email address will not be published. Required fields are marked *