Diasabra atardi a drenta informe di un accidente cu hende herida banda di W.E.B. na Balashi, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un auto Daihatsu Terios biniendo for di pariba cu velocidad halto y a bay tuma e cruzada pa bay e rotonde banda di Drive Inn pero e velocidad cu e tabata bini ta mucho halto y ela bolter den banda memey di e caminda. Debi na e boltermento e chauffeur a resulta herida y ela keda pega den e auto na prome instante a solicita presencia di e equipo di rescate di bombero. Na yegada di e personal di ambulans nan a cuminza atende e victima. Na un dado momento asina mes a logra saca e victima y a cancela e equipo di rescate di bombero. E personal di ambulans a atende e victima y a transporte pa hospital.
