Polis a bay cu urgencia pa hospital pa un hende cu a yega eynan cu hinka den curpa

Diasabra anochi a drenta informe di cu tin un persona cu un herida di hinka na su curpa a yega na hospital, mesora a dirigi patruyanan na e sitio. Na yegada di e patruya a bin compronde cu e caso di hinkamento lo a tuma lugar banda di ex-Goldenwok na Koningstraat, varios patruya a ser manda pa e sitio pa asina protega e evidencianan cu por tin. Na e sitio den Koningstraat polis a busca den full e area pero despues a bin compronde cu ta e victima a ser recogi den e area y a ser hiba hospital pero aparentemente e caso no a sosode eynan pero si cerca di eybanda. E situacion di e victima cu a ser hiba den auto particular hospital tabata preocupante.

Version policial:

Melding a drenta 8:30 cu na hospital a jega un homber cu un hinca. Patruya ta bay eynan y a bin papia cu esun cu a trese e homber cu tabata hinca. Ela conta cu e ta pasando banda di Feng Da y ela wordo para pa un homber desconoci cu ta bis’e cu tin un homber cu un hinca cu mester wordo hiba EHBO. Ela ofrese di hiba e homber hinca EHBO. E no conoce e homber.
E homber hinca di fam R. a bisa cu na altura di Rancho un hende desconoci a hinke. Pero e no por a wak e sospechoso bon. E victima R. su condicion ta stabiel y e la keda interna y ta riba piso normal.

Share:

Leave a Reply

Your email address will not be published.