Diadomingo madruga a drenta informe di un accidente unda un auto lo a dal un palo di lus y un muraya banda di American Bar pero e auto a sigui core, mesora a dirigi un patruya na e sitio. Na yegada di e patruya a mira e daño causa na e parkinglot banda di BSL Laundry y e lastra di azeta tambe di e auto cu a sigui core bay. Polis logicamente a sigui e marcanan y a logra yega te na unda nan a topa e auto Toyota Passo A 70437 patras di Watertoren. Polis a confisca e vehiculo ya cu su papelnan no ta cuadra, na e sitio a topa e chauffeur kende tabata bao influencia di alcohol y a detene pa a stuur burachi, causa accidente y bandona sitio di accidente.
