Candela na cas bandona banda di Paviljoen a pone cu a evacua tur anciano

Diadomingo mainta a drenta informe di cu tin un candela basta grandi banda di St. Michael Paviljoen, mesora a dirigi tanto polis como bomberonan na e sitio. Na yegada di e patruya ya caba bomberonan tabata na e sitio y a nota cu ta un cas bandona ta completamente na candela. Bomberonan a pidi un otro truck pa bin provee nan cu mas awa pa sigui combati, mientras a pidi pa mas polis ya cu mester a evacua e ancianonan kedando na paviljoen ya cu esnan encarga mes a saca nan pero mester a hibanan na un sitio mas sigur te na San Pedro di Verona unda a regla un espacio temporal pa nan. Como cu e candela tabata hopi grandi y tabata afecta e visibilidad e brigada motoriza tambe a bin yuda pa desvia e trafico. Despues di basta rato bomberonan a domina e candela pero a keda basha awa ya cu e palonan na candela no ta paga mesora y por bolbe cende. E cas mes ta un cas bandona unda de vez en cuando adictonan ambulante ta bay refugia eyden pa descanso of usa nan droga.

Share:

Leave a Reply

Your email address will not be published. Required fields are marked *