![](https://www.awe24.com/wp-content/uploads/2022/01/EC3EA0EF-99B9-45F0-A349-57D22905762F-668x334.jpeg?v=1643103298)
Dialuna madruga a drenta informe di un accidente cu hende herida dilanti Acropolis Plaza, mesora a dirigi patruyanan na e sitio. Na yegada di e patruya a bin compronde cu aki ta trata di un accidente unda cu e chauffeur di e Toyota Yaris bayendo nort a baha caminda na man drechi dal un palo di sosten, kashi di telefon y a bay destrui un muraya. Debi na e impacto e airbag a deploy y e chauffeur a ricibi un kap na su cabez. Na yegada di e ambulans nan a atende e victima na e sitio mes.