Digitalizacion di Servicionan di Departamento di Asuntonan Economico  ta continua

ORANJESTAD – Ministro di Asunto Economico, Communicacion y Desaroyo Sostenibel conhuntamente cu Departamento di Asuntonan Economico, Comercio y Industria (DEZHI) tin e placer di anuncia digitalizacion di nos servicionan na comercio den forma di E-forms pa loke ta trata servicionan di peticion pa permiso di importacion di webo, orario di tienda y calculacion di prijsnan maximo. 

Na 2020 DEZHI a digitlaliza y a introduci eForms pa tur peticion pa permiso di negoshi (Vestigingsvergunningen). Esaki a trece un eficiencia pa e cliente y pa e trabaonan di DEZHI, bahando di e manera ey e cantidad di dia pa nos cliente ricibi su permiso pa negoshi y asina contribui na baha e ‘red tape’.  Pronto lo anuncia mas cambio cu lo sigui contribui na bahamento di e ‘red tape’.

E servicionan nobo cu awo ta digitaliza, y pa cual ta introduci mas eForms, lo ta disponibel entrante 1 di februari 2022 riba nos website www.deaci.aw/services/ den E-forms.  E tres E-forms ta dirigi na comercio en general y ta cubri tres servicio separa di Departamento di Asuntonan Economico. 

E prome  E-form ta pa entrega un petición pa permiso pa importa webo, unda e comerciante ta haci un peticion pa e canidad di webo cu ta desea di importa, conforme e maneho di invoervergunning kippeneieren. 

E di dos E-form lo facilita e solicitud di e comerciante pa calculacion di prijsnan maximo pa productonan di canasta basico

Y e di tres E-form ta pa e comerciante haci su peticion pa permiso di orario di tienda.

E proyecto di digitalizacion di DEZHI ademas ta contribui na e implementacion di landenpakket pa mehora e clima pa comercio y inversionnan. Nos meta ta pa facilita nos servicionan na e clientenan den un forma mas eficiente posibel.  E cliente por aplica pa su peticion for di e comodidad di su oficina of cas durante 24 ora pa dia,7 dia den siman. Esaki ta un logro mas den e rumbo pa digitalizacion di servicionan di gobierno. Gradicimento ta bay specialmente na Futura,  Sra. Jamila Loopstok y personal di DEZHI pa e trabaonan pa preparacion di e E-forms.  

Share:

Leave a Reply

Your email address will not be published. Required fields are marked *