Mercedes Semeleer a cumpli 40 aña den servicio di gobierno

ORANJESTAD – Dia 1 di januari 2022, Sra. Mercedes Semeleer a cumpli 40 aña cu e la drenta den servicio di Gobierno di Aruba. Dia 1 di januari 1982 Mercedes Maria Semeleer a drenta Servicio Central di Computacion (S.C.C.) como Schrijver. Dia 5 di april 1983 Mercedes a huramenta dilanti Gezaghebber di eilandgebied Aruba, Sr. Pedro Bislip. Dia 1 di januari 1985 Mercedes a haya su prome promocion pa Klerk. Entrante 1 di januari 1989 Mercedes a bira Klerk 1ste Klasse y na 1 di januari 1993 Mercedes a  promov’e pa Hoofdklerk. Dia 1 di mei 1997 ora cu a reorganisa Servicio Central di computacion (S.C.C.) pa Directie Informatievoorziening en Automatisering (D.I.A.), Mercedes a promov’e di Hoofdklerk pa Adjunct-Commies. Actualmente Mercedes tin e funcion di administratieve medewerker den e afdeling di Project en Proces Ondersteuning (P.P.O.). E ultimo promocion cu Mercedes a haya ta dia 1 di December 2007 cu ta Adjunct – Commies 1ste Klasse. Mercedes Semeleer ta un persona cordial, cooperativo y a demonstra su lealtad  trahando 40 aña n’e mesun departamento. Gerencia, personal y algun ex-colega di D.I.A. ta felicita Mercedes cu su hubileo di 40 aña y ta gradici’e pa su dedicacion na su trabao.

Share:

Leave a Reply

Your email address will not be published. Required fields are marked *