POLIS: NOS TIN DOLOR DI CABES CU E MESUN HOMBER AKI TUR DIA!

Diadomingo mainta a drenta informe di un homber canando burachi cu su cacho den Scopetstraat, mesora a dirigi un patruya na e sitio. Na yegada di e patruya a bin topa cu e mesun homber aki, kende ta dunando nan masha dolor di cabes, casi diariamente, den area di Ponton. Cada bes atrobe ta topa cune burachi y tur sushi y ta hib’e su cas. Awe atrobe a haci mesun cos, pues a transport’e pa su cas.

Segun version di Polis, e siman aki so tabatin no menos cu tres asistencia pa e mesun homber aki. Dos biaha a hib’e su cas y un biaha mester a hasta hib’e Hospital pa e ricibi tratamento medico, debi cu el a cay. Ta considera e homber un problema social den Ponton y su adres Ponton 22 ta “kom voor” masha hopi den e rapportnan diario di Cuerpo Policial Aruba.

Share:

3 thoughts on “POLIS: NOS TIN DOLOR DI CABES CU E MESUN HOMBER AKI TUR DIA!

  1. Boso haci boso trabao di Polis, boso no ta huez. Trata tur hende cu respet y dignidad, con boso ta bay skop e y bente abao asina pasobra e ta molestia boso? Si e ta molestia abo como polis porta abo no mester a bira polis!!

  2. Ami ta kere ku polis a bai muchu suave kune. Tin di e hende nan ki ku ta molestya te dimas. Un bon klop e mester a haja pe para straight. PA ALGO NAN A TRAHA E KLOP NEY !! Si bo wak e video bon bo ta wak kon e meneer aki a tira su mes abow mane un mucha chikito. Te hasta mucha ta haja su faha. Nan a hasi nan trabow masha bon. Si esun nan ku ta keda di abuso please boso mes bira polis y wak kon dushi ta pa hisa un homber grandi burachi ku ta hole stinki den halto pa e por bai su kas. Berguensa e meneer mester tin !!

  3. Con bin con bay no ta manera pa arende cu hende mayor di edad asina… ban ta serio si… vooral si ta kk jong bo ta hunga rol di gran kk paso bo tin uniform di polis.. pendeuw

Leave a Reply

Your email address will not be published.