Dialuna mainta a drenta informe di cu tin un cas na candela na Papaya, mesora a dirigi tanto polis, bombero como tambe ambulans na e sitio. Na yegada di e patruya a nota cu tin un candela na e cas y a compronde cu un dama y un mucha lo a core Sali for di e cas cu tabata na candela. Na momento cu nan a sali nan a guli bastante huma y e dama a ricibi kemadura. Na yegada di bombero mesora a cuminsa combati e candela na un mueble den e cas cu a expande rapidamente. Na yegada di e ambulans nan a atende ambos tanto e mama como e yiu pasobra nan lo a guli hopi huma y na nan salida for di e cas e mam lo a kima na un parti di su man. Despues di a atende nan na e sitio a transporta ambos pa hospital.