Auto ta alcansa un hoben cyclista dilanti entrada di Marriot Surf Club y ta sigui core bay den e parkeerplaats.

Diaranson atardi a drenta informe di un accidente unda un auto lo a alcansa un mucha riba bicicleta dilanti di Marriot Surf Club, mesora a dirigi tanto polis como ambulans na e sitio. Na yegada di patruya na e sitio a bin encontra cu un mucha cyclista di 14 anja herida na su brasa cu ta declara cu un auto blanco lo a alcanse y sigui core bay den e parkeerplaats di Marriot. Polis dibiaha a cuminsa un investigashon pa encontra e vehiculo aki. Ambulans a presenta na e sitio y a atende cu e mucha herida y a transporte pa hospital pa tratamento medico. Segun informashon cu por a haya na e sitio aki e cyclista tabata biniendo di Noord y e auto biniendo for di playa a bira sin duna preferencia y dal e cyclista. E spiel di e vehiculo lo a alcansa e cyclista y esaki a keda kibra na e sitio. Camera di seguridad lo saca afo cual ta e vehiculo cu a comete e accidente hit and run aki.

Share:

Leave a Reply

Your email address will not be published.