Diahuebs merdia a drenta informe di cu lo tin un Hyundai Accent bruin coriendo rond di scolnan y cu e chauffeur di esaki lo ta pasa na schoolnan pidi mucha muhernan pa bin den su auto y tabata exponiendo su parti intimo na alumnonan y tabata paga nan si nan bay cun’e, mesora a dirigi varios patruya rond di scolnan. Tabata un patruya cu a nota e vehiculo comcerni cu a caba di pasa banda di E.P.B. Hato y tabata bayendo zuid, mesora e patruya a bay su tras pa purba di para esaki pero ela logra scapa for di e bista di polis. Despues di un rato a bolbe top’e y a start un otro persecushon chikito pero cu ayudo di otro patruya a logra para e vehiculo y detene e sospechoso. Polis a confisca su vehiculo y a pidi presencia di vehiculo di transporte pa asina por a transporta e detenido pa warda di polis.