Diasabra mainta a drenta informe di cu tin un cas na candela na Montaña pabort di Huan Zhan Supermarket, mesora a dirigi tanto polis como bombero na e sitio. Na yegada di e patruya ya caba bomberonan tabata na e sitio y polis a bin compronde cu e habitantenan a bay kima un neishi di abeha. Pero como tabata tin hopi foyo seco den cercania esakinan a pega na candel y a plama bay na e mata cu a sigui pa otro mata te bira asina grandi te cu mester a pidi presencia di bombero na e sitio. Na yegada di e bomberonan tabata tin poco dificultad pa yega na e candela mes pero como cu ta trata di hopi rama y foyo seco e camdea a expande y a tuma tempo pa asina domina e candela. E candela a afecta 2 mata grandi y hasta parti di e afdak. Afortunadamente ningun hende a resulta herida durante e candela aki