UTV ta bolter panort di Faro anto un dama a resulta herida y turistanan mes ta hib’e hospital pero no sa unda esaki ta

Diadomingo mainta a drenta informe di cu un UTV a bolter patras di Faro y tin un dama herida, mesora a dirigi tabto polis como ambulans na e sitio. Na yegada di e patruya polis no a haya nada y tampoco e ambulans. Un testigo patras di Faro a bisa polis cu enberdad un UTV a bolter pero cu esakinan a bolter e vehiculo bek y a sali bay rumbo probablemente pa hospital, mesora a dirigi e patruya di trafico pa hospital, pero na hospital ainda ningun hende herida a yega. Un rato despues un otro patruya banda di Wendy’s na L.G. Smith blvd a ser para pa algun turista den un UTV bisando nan tin un dama herida abordo cual tabata envolvi den e accidente patras di Faro puntrando unda e hospital ta?. Polis a guianan pa yega na hospital unda eynan nan a ricibi e victima y atende pa un kap cu ela ricibi.

Share:

Leave a Reply

Your email address will not be published.