Diaranzon mainta a drenta informe di un accidente cu hende herida dilanti My Fitness Gym na Palm Beach, mesora a dirigi tanto polis como ambulans na e sitio. Na yegada di e patruya a bin compronde cu e chauffeur di e Nissan March no a mira e motociclista ta bini y a bira pero diripiente e motociclista a dal riba dje. Debi na e impacto y caida e motociclista a resulta herida na su braza y pia unda cu a haya rasca profundo y tabata keha di dolor. Na yegada di e ambulans nan a atende e motociclista na e sitio mes y a bis’e cu si e dolornan sigui y aumenta e busca ayudo medico.