Diahuebs mainta a drenta informe di cu riba Sasakiweg lo tin un Toyota Vitz blanco coreindo irresponsable riba caminda y tabata manda e auto riba otro autonan, mesora a aviisa e patruyanan riba caya pa bay stop e automobilista aki. Un rato despues a drenta otro informe di cu e auto a bira na rotonde Sasaki direccion pa Hato. Polisnan for di varios direccion a bini y a logra blokea e auto bao di e viaduct na Hato y eynan a detene e chauffeur a bin resulta cu aki ta trata di un hoben di 16 aña cu a sali bay cu e auto di su tata sin permiso. Hunto cu e hoben aki tabata tin algun mucha muher hoben hunto tambe den e auto. Polis a bay cu nan tur na warda pa asina yama nan mayornan pa informa nan kiko nan yiunan tabata haci durante cu nan mester tabata na school. Riba instruccion di e tata a confisca e auto tambe.