Project Team Drugspanden ta un team cu a wordo lanta pa entre otro investiga bendemento di droga for di un percela y ariba caya.
En conexion cu un investigacion andando Project Team Drugspanden a haci un entrada hudicial den un cas na Watapanastraaty a detene e homber di inicialnan A.J.M. naci na Aruba , di 28 aña pa bendemento di droga.
Tambe a detene 1 cumprado cu a declara contra e sospechoso akiriba menciona.
Durante razzia a confisca un cantidad di droga ( Marihuana, XTC y Cocaina).
A haci uzo tambe di diferente departamentonan di Cuerpo Policial entre otro Team di Aresto y K9 unit.
Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn di Polis cu ta: 11141. Nos ta garantisa cu bo ta keda anonimo.

Nota di redaccion: E fotonan di dilanti di e cas mester remarca cu e cas no tin nada di haber cu e asunto. E sospechoso tin apenas 2 luna cu ela regresa Aruba for di Hulanda y tabata huur un apartamento patras di e cas.