Manehador di barge a pasa riba liña di piscador y a start un problema te menasa di morto a cay

Diabierna anochi a drenta informe di un problema bayendo for di man na e parti pazuid na Surfside, mesora a dirigi patruyanan na e sitio. Na yegada di e patruya a bin compronde cu aki ta trata di un piscado a bay pisca cu rod y ballon pero cu mas liña den lama e manehador di e barge a bay para na e pier specialmente traha pa e barge cu ta bay Renaissance Island pa hiba y trese carga. Ora e barge tabata yegando e piscador a haci seña cu e manehador pa e pasa un poco mas pafor y e manehador a nota cu e piscador a hala e balon aden y a maniobra pa yega na e pier pero e piscador tabata tin mas liña y e balon tabata di un di e otro liñanan. E liña di e rod ainda tabata den awa sin balon y e liña aki a pega na e motor di e barge. E piscador a bay reclama e manehador pero eynan tabata tin un otro persona cu a entromete den e asunto y e cos a escala te e homber cu a entromete a menasa e piscador cu morto. Pero e homber aki ya a bandona e sitio prome cu polis a yega. Polis a intermedia y a splica ambos partido e camindanan pa nan cana.

Share:

Leave a Reply

Your email address will not be published. Required fields are marked *