Polis a detene homber indocumenta cu lo a maltrata muher y tabata tin’e  secuestra

 

Diamars atardi a drenta informe di cu lo tin un homber cu a maltrata un muher y lo tin e sera den cas na Madiki Kavel, mesora a dirigi patruyanan di Oranjestad na e sitio. Na yegada di e patruyanan nan ta ser informa cu e homber a caba di sali cu e muher den un Suzuki Swift blanco direccion pariba. Mesora a pasa e informe aki pa tur patruya riba caminda cu topa cu e Suzuki Swift blanco pa para e vehiculo aki inmediatamente. Un rato despues di esaki un patruya ta blokea e Swift aki na e rotonde Ponton na “Watty” Vos blvd., nan ta haya e dama como tambe e homber den e auto. Mas patruya a yega y a papia cu ambos pero separa. E homber no por a mustra ni rijbewijs ni ningun identidad cu e por a demostra cu e ta legalmente na Aruba.  Ora cu e dama a baha for di auto a nota cu e no por cana mucho bon y ela bisa cu e tin hopi dolor, polis a pidi presencia di ambulans. Na yegada di e ambulans nan a atende e dama cu aparentemente e lo tin su heup kibra/lesiona y mester hib’e hospital.  E maltrato pisa a sosode 3 dia pasa pero e muher no kier entrega keho contra e homber pero polis a detene pa falta di identificacion pa demostra cu e ta legalmente na Aruba.

 

 

Share:

Leave a Reply

Your email address will not be published. Required fields are marked *