Diahuebs atardi a drenta informe di cu un instalacion di gas a rebenta y gas ta saliendo na monton for di e instalacion na un cas na Brikstraat, mesora a dirigi un patruya na e sitio. Na yegada di e patruya a bin constata cu gas ta “leak” for di e instalacion y ta sumamente peligroso. Polis a nota cu no tin hende na e cas pero den cura tin cachonan brabo. Polis a compronde for di bisiñanan cu e doño di cas ta na caminda. Na yegada di e persona a wanta e cachonan pa asina polis drenta e cura y nan logra sera e valve pa stop e “leak”.