Diahuebs anochi a drenta informe di cu un homber ta maltratando su pareha na su cas na Jaburibari, mesora a dirigi un patruya na e sitio. Na caminda pa e sitio a drenta un otro informe pa polis bay cu mas urgencia na e sitio. Na yegada di e patruya a bin compronde cu e agresor a caba di sali bay den e Kia Rio blanco A56160 direccion zuid despues di a maltrata e dama severamente. Otro patruyanan den e area a ser avisa pa si topa e vehiculo aki pa para esaki y detene e chauffeur inmediatamente. Un rato despues di e informe aki un patruya a topa e auto aki na Piedra Plat y a para e vehiculo y a detene. Polis a pidi e vehiculo di transporte pa detenidonan pa asina transporte pa warda di polis. Mientrastanto ambulans a yega na cas di e victima y nan a atende y transporte pa hospital pa ricibi tratamento pa e cantidad y gravedad di e lessionnan ricibi.