Diabierna atardi durante patruya polis a pasa wak un Nissan March para, ora a fiha miho a nota un hoben lorando un sigaria di marihuana mesora a acerke y a detene pa posesion di droga. E chauffeur mes cu tabata core e auto no tabata den e auto pasobra ela baha bay busca algo na e minimarket enfrente. Ora ela bolbe polis a pidie pa e papelnan di e auto, cual ela cumpli debidamente pero cu excepcion di esun di keur cual e no tabata tin y e ora ey polis a confisca e auto. E mama di e hoben deteni tambe a presenta pero ya su yiu a ser hiba pa warda di polis. Takelwagen a presenta y a bay cu e auto. Segun e chauffeur polis a haya e mucha ta lora un sigaria di marihuana y a listra den full e auto pero e mes nan no a listra y ela saca un saco cu basta droga cu e tabata tin den su saco di carson.