Diabierna anochi a drenta informe di un accidente cu hende herida na Pos Abao, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente frontal unda cu pa un motibo of otro e dama chauffeur di e Toyota Yaris tabata bayendo nort banda robez di caminda y cu luz paga mientras di panort tabata bini un Mitsubishi Montero Sport cu a nota e auto aki y a purba evita e impacto door di pita pero nan a dal den otro. Den e Yaris tabata tin e dama chauffeur y un baby sinta patras. Debi na e impacto ambos a resulta herida y a ser atendi y transporta pa hospital. Mientras e otro chauffeur di e Mitsubishi a resulta levemente pero a ser atendi pa ambulans na e sitio mes.