3 homber na preto bisti y cara tapa cu arma di candela a comete atraco arma na Chun Ho na Savaneta

Diabierna anochi a drenta informe di un caso di atraco cu agression na Chun Ho Supermarket na Savaneta, mesora a dirigi varios patruya y tambe ambulans na e sitio. Na yegada di e patruyanan a bin compronde cu aki ta trata di 3 persona bisti na preto y cu cara tapa a drenta e luga 2 di nan cu pistol y un cu rifle, nan a agredi un chines den e lugar na su cabez y a ranca dos caha di placa, pakinan di cigaria y carchinan di telefon y algun otro cos mas y despues a sali riba scooter direccion Mabon Brazil.

Mesora a informa tur unidadnan riba caya pa tira bista rond pa cualkier motociclista sospechoso riba caya pa asina para y controla nan. Un di nan tabata tin un arma nickel, e otro un arma color scur y e otro cu un rifle.

Un di nan tabata bisti cu un carson cora cu sweater style di hootie preto, un otro tabata cu un sweater shinishi cu preto y tabata bisti cu handschoen latex color blauw y e otro tambe na preto bisti y tur 3 ta cuero color scur.

E suma cu nan a bay cun’e no ta conosi te na e momentonan aki cu nos a traha e informe aki.

Atraco team a ser avisa y a bay na e sitio pa haci e investigacion.

Share:

Leave a Reply

Your email address will not be published.