Diabierna merdia a drenta informe di un accidente cu hende herida na e cruzada L.G. Smith blvd. cu Arnold Schuttestraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre un truck di tour y un motociclista. E truck tabata bini di pabao y a bay bira unda ta prohibi den Arnold Scuttestraat pero net na e momentonan ey e scooter tabata pasando e truck y e truck a dal e. Debi na e impacto e motociclista a resulta, na yegada di e ambulans nan a atende e motociclista y a transporte pa hospital.