Diasabra madruga a drenta informe di un accidente dilanti Centro di Bario Tanki Leendert, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu e chauffeur di un Nissan March bayendo pabao a perde control baha caminda na man drechi y a bay dal un palo di lus. E chauffeur mes a baha for di e auto y a bandona e sitio. E impacto a kibra e palo di lus maske no a interumpi e suministro. Polis a confisca e vehiculo pa e doño pasa responsabilisa su mes cu su vehiculo cu a causa e daño.