Diasabra anochi a drenta informe di un accidente cu herido na Tanki Leendert. Mesora a dirigi tanto polis como ambulans na e sitio. Na yegada di e patruya a bin compronde cu lo no tin herido y a cancela e ambulans. Aki lo ta trata di un accidente unda un auto KIA Rio cora lo a sali subi caminda sin duna preferencia na un Ford Escape blauw y nan a accidenta. Afortunadamente ningun persona a resulta herida.
