Diaranzon mainta a drenta informe di cu ladronnan a bolbe bora tankinan di gasolin di auto na Arubiana Inn na Bubali, mesora a dirigi un patruya na e sitio. Na yegada di e patruya a bin compronde cu aki ta trata di un caso di destruccion cu ladronicia unda e ladron ta bora e tanki pa asina nan horta e gasolin di e auto. Esaki no ta e prome biaha cu esaki ta sosode den oranan di anochi y den e area di Bubali ademas na Cunucu Abao tambe nan a haci mesun cos. Pero e biaha aki e ladron sea a haya su mes stroba of pa error a lubida e comchi pa recoge e gasolin for di e tanki bao di un auto. Polis a confisca esaki pa e investigacion forensyco. Un alerta ta bay na tir habitantenan di Bubali y vecindario pa pone atencion y tira bista pa hendenan sospechoso canando cu “jerry-can” den oranan di madruga.