Diabierna mainta a drenta informe di cu tin un persona cu capuchon bisti y ta mustra hopi sospechoso lomba a caminda y ta blo fiha den Dunkin Donuts dilanti Playa Linda y ora security a bay hala su atencion e no tabata kier a move di eynan, mesora a dirigi un patruya na e sitio. Na yegada di e patruya a bin compronde cu net ela cana bay zuid y a para na bushalte. Polis a nota cu aki ta trata di e conocido C.G. y a bay papia cun’e pa e baha su capuchon y bandona e area hotelero cual instruccion ela sigui tambe. Segun e security di e hotel aparentemente e lo kier a coy un shirt den un di e tiendanan pero ora ela mira security ela pone esaki bek. Despues ela bay na Dunkin Donuts pidi placa for di eyden e sali sinta pafor blo wak den e negoshi y tabata mustra sospechoso y ora security a bay pa e move di eynan e no a haci caso pero un rato prome cu polis a yega ela cana bay zuid y polis a atende cun’e.