Impacto basta fuerte na Calbas ora un auto a dal tras di otro

Despues di e impacto damanan den e auto dilanti a bay pa agredi e chauffeur cu a dal nan tras nan a kita e yabi di e auto ey y a tir’e den mondi.

Diasabra madruga ora cu polis tabata bayendo pa un asistencia a bin topa cu 2 auto y un grupo di hende riba caminda pazuid di e birada di Calbas pa Jaburibari, mesora nan a para e vehiculo pa mira kiko ta pasando. Locual a sosode ta cu e chauffeur di e Nissan Sentra a bay dal basta fuerte tras di e Nissan Cube y causa basta daño te cu esaki no por sigui core. Den e Cube tabata tin algun dama cu a bay busca manera pa agredi e chauffeur di e Sentra ademas nan a coy e yabi di e Sentra y zwaai e den mondi. Ora cu e hendenan aki a mira polis a zwaai e yabi den mondi y a cana bay pabao. Un otro patruya a topa cu e hendenan riba e caminda di Kudawecha y a atende cu nan. E chauffeur di e Sentra tabata indica cu esun cu tabata core e Cube no ta esun cu ta bisa cu e tabata na wiel.

Share:

Leave a Reply

Your email address will not be published.