Hendenan mal intenciona lo a benta algo den bebida di dama banda di “Moomba Beach”

Diadomingo madruga a drenta informe di cu algo lo ta pasando cu un dama y su pulso ta bahando na e beach dilanti Holiday Inn, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un otro caso unda a benta algo den bebida di e victima pa drog’e y despues probecha di dje durante un fiesta priva banda di “Moomba Beach”. Pero ora cu e victima a cuminsa sinti su mes malo ela core bay y ela cay riba e santo di e beach dilanti Holiday Inn. Un nurse cu tabata cerca mesora a bay atende y a nota cu su pulso a baha y a pidi e ambulans cu mas urgencia. Na yegada di e ambulans nan a atende y a transporte pa hospital. Polis a avisa familiares di e victima y a pidi pa slachtoffer hulp tambe bay hospital. Polis a inicia cu un investigacion y ta buscando tur esnan cu tabata cun’e y rond di dje pa haya sa exactamente kiko a pasa.

Share:

Leave a Reply

Your email address will not be published.